ههههههههههههههههههههههههههههههه

اهب يا الشايب منتب سهل

مساء الانوار

انا كنت منتظر الحالم يرد عشان اشارك بالموضوع بس عندي مداخله بسيطة

الحالم تعزهم والا ماتعزهم محد بيسلفكم منهم
الطالبة محتاجة مصاريف والموظفة وراها التزامات
يعني بتصوم .. بتصوم وتفطرعلى مافيش هههههههههه
ّّشمتاااااااااان فيه خخخخخخ

احم .. احم .. نجاوب على أسئلة ابله وردة
والله يستر من لسان الحالم وتعليقاته

لحظة







































بطلع فوق ظهر الحالم انسخ الاسئلة واعاود ككككككككك








































1- كم مره رسبت في دراستك؟

مرتين ( مره في الابتدائي وعدت على خير )
ومرة بالمرحلة المتوسطة ( واضطريت أهرب من البيت عند ولد عمي خوف من عصاة الوالد ومارجعت البيت الا بعد اسبوع وبالواسطة بعد ) خخخخخخخخخ

2- لو قال لك المصباح السحري اختار امنيتين شنو تختار؟؟

الامنية الاولى :: ارجع اكمل اوراقي والتحق بمعهد سلاح الطيران كان رتبتي اليوم
عميد والا عقيد ومين قدك ياوجيه .
والامنية الثانية : اشتري اراضي بجوار الحرم يوم كان سعر الارض بـ 20 الف واليوم
بالملايين ... على الاقل كان سلفت الحالم وافتكيت منه خخخخخخخ

3- بصراحهـ كم ريال في محفظتك ?

375 ريال ولا تعلمون الحالم

4-تشتغل ولا تدرس؟

معلم مرحلة ابتدائية .. قريباً سيحال على المعاش خخخخخخخخخ

5-في اي مدينهـ ساكن؟ مع اسم الدولة ؟


مكة المكرمة ـــ اعتقد انها في السعوديه .. احلف هههههههه

6-كم ساعهـ تجلس على النت؟

ساعتين للضرورة ومن اول الفواتير قصمت ظهري
بس الحمد لله خففنا من السرعة شوي وابشركم صرت اربط الحزام

7-متى اخر مره انظربت؟ومن منو؟وليش؟

يووووووووووه محد انضرب قدي من المدرسين والوالد والوالده فديتهم
بس صدقوني كان عليه شقاوة مهيب على احد ..ومارجع لي عقلي الا بعدما
كبرت واصبح عندي الكثير من الفهم والادراك والتجارب اللي لازالت معلمه بظهري
ههههههههههههههه

8-اذا اكتشفت ان صداقتكِ مع انسان مزيفه شو بتسون؟

انا بطبعي اعشق الوفاء والاخلاص والوضوح والصراحه
ولا احب اللف والدوران واللعب بالبيضه والحجر والمجاملات الهشه
وبالتالي لو اكتشفت ان معيار الصداقة لا يرتقي لمستوى تطلعاتي وافكاري
الغي ذلك الصديق من قاموس حياتي غير نادم ولا آسف على قراري
وتحضرني هذه الابيات التي كثيراً ما اجعلها منهجاً لاختياراتي
يقول الشاعر :
اذا المرء لا يرعاك الا تكلفا
فدعه ولا تكثر عليه التأسفا
:
ففي الناس أبدال وفي الترك راحة
وفي القلب صبر للحبيب ولو جفا
:
فلا كل من تهواه يهواك قلبه
ولا كل من صافيته لك قد صفا
:
اذا لم يكن صفو الوداد طبيعة
فلا خير في ود يجيء تكلفا
:
ولا خير في خل يخون خليله
ويرميه من بعد المودة بالجفا
:
سلام على الدنيا اذا لم يكن بها
صديق صدوق صادق الوعد منصفا

9- في كم منتدى مسجل؟

اكثر من الهم على القلب .. وكل منتدى لي فيه بصمه وصيت الحمد لله
ولو ان اتجاهاتي الاخيرة تتمحور حول المنتديات التربوية والتعليمية .

10-ما اصعب موقف مر في حياتكِ؟

ياكثرها بس بذكر لكم موقفين بس لا تضحكون علي :
الحالم ......... شايفك احترم نفسك لا تخليني أجي اتوطى ببطنك
الموقف الاول :
كانت أول سيارة شراها لي الوالد الله يطول بعمره ( هايلكس ) غمارة وحده
الظاهر ماخليت جدار ولا عمود نور بالرياض ما صدمت فيه .. توني متعلم وعمري وقتها
18 سنة والله العالم اني كنت متأثر بالافلام الامريكية .
المهم نرجع للموقف الصعب .. وكان يوم قررت العائلة الكريمة السفر من مدينة الرياض الى الجنوب لقضاء اجازة العطلة الصيفية وماشاء الله الوالد ماترك شي بالرياض الا واشتراه وحمل الهايلكس بمالذ وطاب هدايا وبطاطين ولحف ومخدات وفوق هذا كله
الوالده فديتها واخواني وخواتي الستة متربعين على العفش في صندوق الهايلكس
طبعاً الهايلكس مدلعينه بشراع مغطى وحركات شباب تخبرون الواحد في ذيك السن مايشوف شي حلو والا وركبه بموتره .........المهم ما اطول عليكم .. السالفة يبي لها قعده وانتم وراكم مدارس خخخخخخخ
سافرنا مع مجموعة من الاهل والاقارب وعدد السيارات اربع سيارات واخوكم كان آخر واحد في المجموعة .. ما أمشي أكثر من 80 كم بالساعة طبعاً الهايلكس حمولته حمولة سيارة دينا والا قلاب مرسيدس وفوق ذلك اول مرة اسوق السيارة على خطوط طويلة والجماعة محترفين وسرعتهم
فوق الـ 120 ويبوني اسايرهم في السرعة وقالوا لازم تزيد السرعة واخوكم ماكذب خبر
وادعس على البنزين وامسك الطارة ومادريت الا وضرب عندي واحد من الكفرات الخلفية للسيارة طبعاً مع الحمولة الزايدة .. الوالد راكب عندي قدام قال الظاهر ضرب عندنا الاطار الخلفي ...ابوك يا الفصحى خخخخخخخ قلت ولا يهمك ابشر بولد واقوم وادعس على الفرامل
بدون تفكير ( خبل .. ولا عنده خبره ) ولادريت والا والسيارة منقلبه على جنبها الايسر
بسرعة 100 كم على الاقل وتزحف على الاسفلت وخذي لها قلبتين ثانية على الرمل وصار مجموع القلبات 3 قلبات ... الوالد طلع مع الزجاج الامامي والهدايا تنثرت على الارض والعيال كل واحد منهم في صوب والبعض منهم ماطلعناه الا من تحت الطراريح واللحف وكانت حوسه وموقف لا احسد عليه .. بس بحمد الله وتوفيقه الاصابات جت خفيفه ( ضربه في الراس والا جرح باليد ) والعجيب في الامر انا كملنا تلك الرحلة المشؤومه بنفس السيارة بعد اجراء تعديلات عليها بس هالمرة خلوني لوحدي اقودها
وبقية الاسرة الكريمة قاموا بتوزيعهم على السيارات الاخرى .
:
هذا الموقف الاول ..............................

والموقف الثاني :

الظاهر اني محظوظ في قيادة السيارات خخخخخخخخ
الحالم احذر تركب معي اذا باقي على عمرك هههههههههههه
المهم : اتذكر وبنفس السيارة بعد مرور سنتين على الحادث تعطل عندي ( الدفرنس )
والدفرنس هذا للي مايعرفه هو اللي يربط العجلتين الخلفيتين ببعضها البعض يعني محور حركي للسيارة ... انا اشهد انك مثقف ياوجيه ..ههههههههههه
المهم وديته اقرب ورشه وقالوا لازم يتغير .. قلنا غيروه .. ويوم ركبوه الظاهر والله العالم انهم ركبو لي الاطار وماثبتوه زين بالشد والربط ... ومشيت مطمئن ان سيارتي لا يعلا عليها والحمد لله اني ماشي بسرعة 80 كم ولا دريت الا والاطار الخلفي يوم انفك وطاير من جنبي يسابق السيارة وصارت السيارة تمشي على 3 اطارات فقط والرابع ذهب مع الريح ( لا تضحك يا حالم ) وانا اناظر مع المرايه واشوف الهوب يحتك بالارض ويطلع شرار ونار وبلاوي متلتله وزين ان مافي سيارة مواجهتني من الجهه المقابلة والا كانت علوم
المهم سيطرت على السيارة ونزلت ادور اطار السيارة ومالقيت له أثر ( فص ملح وذاب )
المهم الله اكرمني بواحد فاعل خير اخذني معاه لاقرب محل لبيع الاطارات وشرينا واحد ورجعني مشكوراً عند سيارتي وركب معي الاطار وانتهى ذلك الموقف على خير .
وما ارتحت من المواقف الصعبة الا يوم شالته البلدية من عند البيت وافتكيت منه
هههههههههههههههههههههههههههه


11-من هو اهم شخص في حياتكِ؟

زوجتي الحبيبه فديتها ( شف الاجابة السنعة يا حالم مو مثل اجابتك )
خخخخخخخخخخخخخخخخخخخخخخخ


13-وش نوع جوالكِ؟

نوكيا .. بس لا تسألوني عن موديله لاني مو عارفه
عجبني لانه صغير وخفيف ونحيف .. مو مثل جوالات بعض الناس يوم يحطه بجيبه
تقول مخبي ارنب ويمشي وهو مايل من ثقله خخخخخخخخخخ

14- هل تثق بأحد من اصدقائكـ؟

نعم مع بعض التحفظ .

15-من هي\هو العضو المفضل لديكِ بهذا المنتدى؟عضو واحد فقــط!!!

كانوا كثيرين وذهبوا مع الريح .. وحالياً اقدر اقول بكل عناد واصرار:
ايمان
الوردة الحمراء
وردة بلادي

والحالم هاه يمشي حاله خخخخخخخخخخ

:

مشكورة وردة بلادي على التست الصريح والشفاف
وربي لايحرمنا طيب اخوتك وحضورك الدائم بقلوبنا
كل الغلا لقلوبكم
ومنكم العذر والسموحه
محبكم في الله
الوجيه .. حفظه الله .
كيفي .. حر .. ابدعي لنفسي .
تشاااااااااااو