جنان

اليوم صار لي موقف مع التلفون لانه انا ملقوفه وتعرفون اللقافه بعض الايام تودي في داهيه وشلون اذا صارت اللقافه معها ربع ملعقه عقل وكأس هبال غير كأس اللقافه ونص كاس نحاسه وتخيلوا كل هذا على مين على صديقة أختي ومو هي لحالها بس لا غيرها بعد بس هذي بزود لاني امون عليها واحب اسوي فيها مقالب وتشوفني عاد اليوم جالسه جمب اختي وهي تسولف معها في التلفون وانا قااااااطه اذني مع اختي وهي مسكينه كل مره تقول لي لا تقطين اذنتس معي وانا اقول انا ما قطيت اذني انا جمبتس وغصب عني اسمعتس وخاصة ان المكان ما افيه الا انا وانت هذا الكلام كل مره نقوله بس اليوم انا غفلت عن اختي لحظه من الزمن وما قطيت اذني معها في الاخير لانه كان فيه ازعاج عندي وكنت اسولف مع اختي الثانيه قمت التفت على اختي اللي تكلم ولقيتها تاركه السماعه مرفوعه وداخله غرفتها والسماعه كانت مقلوبه يعني محطوطه على ظهرها قمت انا الله يحفظني ويخليني لاهلي ويشفيني ويصبرهم علي قولوا آمين قربت وجهي من السماعه وحطيت الجهه اللي نتكلم فيها عند فمي بدون ماامسك السماعه طبعا ولا احطها عند اذني بس قربت فمي وقربته مررررررررره وبعدين زعقت هذيك الزعقه الله لا يوريكم بعدين التفت على اختي الصغيره وكانها تبي تقول شي وانا استغربت بعدين التفت لقيت ابوي وراي وجاي وكل ماله يقرب من السماعه وانا بصراحه ما ادري هو شاف حركتي والا لا بس اني خفت لا يقول لي شي المهم رفع السماعه انا بغيت اقول له انه صديقة اختي على السماعه لاني احسبه بيتأكد ليه السماعه مرفوعه ما دريت الا ابوي يقول هلا ومرحبا عاد انا تبوني ما عاد تلقوني انصفق وجهي كأن شي حار مكبوب علي وعضيت فمي وقعدت استوعب اللي يصير واختي الصغيره راحت بعيد ودخلت غرفه علشان تضحك ورجعت وفيها الضحكه وانا امي تكلمني وما ادري وش تقول واشوف اختي الصغيره راحت لاختي اللي كانت تكلم رحت لحقتها وقلت لها السالفه وانا ميته من الضحك وفيني الصيحه ودموعي من الضحك اربع اربع ( انا اذكر ان الصياح يقولون الدموع اربع اربع )المهم اثر اختي جاها انتظار وردت ولقته صديق ابوي وخلت صديقتها تسكر وخلت وحده من خواتي الصغار تنادي ابوي يكلم وانا انهبلت وكرهت نفسي عقب هالموقف والمسيكين صديق ابوي اظنه ارتاع وطول ما انا قاعده اضحك اتخيل شكل صديق ابوي بعد ما زعقت في اذنه المهم اختي قالت لصديقتها علشان يضحكون علي وانا صرت اليوم تريقه عندهم شفتوا من حفر حفره لاخيه وقع فيها بس انا ناويه لاختي شي عقاب لها علشان مره ثانيه ما تقول لصديقتها والمشكله نشرت هالقصه لخالي ومرته واختي وامي وصرت مضحكه لهم وخلكم تضحكون