فتي فرجينيا

القياس في الامثال الشعبيه :

* مثل الحيا وين ما وقع نفع (للمطر)

* مثل البحر (يدل على الكرم وعلى المخاطر )

* مثل البدر ( للجمال والاستداره )

* مثل وتد جحا (يقال لمن يحتال حتى يستفيد )

* مثل الجمل ياكل الشوك ويبرك فوقه (التناقض والمقارنه )

* مثل الثور المستحيل (انعدام الفائده)

* مثل عاطل الحمير ما يمشي الاّ بنغز (يدل على الكسل)

* مثل حمار الطاحون يدور ولا يتعدى مكانه (يدل على قسوة الاستغلال)

* مثل حمار القت يشيله ولا يذوقه ( يدل على التناقض والحرمان)

* مثل الضب له سبعه ارواح (يدل على شدة التحمل)

* مثل الجرد لا يبقي ولا يذر (للشراهه)

* مثل الخنفسه لو تنفخها زعلت (التورط وعدم القدره على الخلاص)

* مثل الجني يشوفك ولا تشوفه ( يدل على التخفي )

* مثل الشعير ماكول مذموم (يدل على النكران)

* مثل دابّ القشاش (للمخادع )

* مثل السّفات في العين (السفات هي الشوكه)

* مثل الفنسى تاكل وتنسى (يدل على سوء الخلق مع القبح)

* مثل الدمّام صوت عال وبطن خال (التباين)

* مثل ام اربع واربعين رجل ( ام 44 رجل حشره صغيره تحصلها عند برادة المويه والمعني قل القيمة )

* مثل الضب ياكل عياله ( لمن اذاه يمتد لنفسه )

* مثل خريطة الطوال من كل زاد لقمه (للتنوع والاختلاف)

* مثل الذّره ما تجي الا على الدسم (للانتهازية)

* مثل المنخل (لمن لا يحتفظ بالسر )

* مثل لهبة النار (للسرعه والحراره)

* مثل الزيبق ما ينقضب (للمراوغ والمتقلب)

* مثل السمك كباره تاكل صغاره (يزمر الى نهش السمعه والاعراض)

* مثل حكوت الذّبيب (السالفه اللي لا نهاية لها)

* مثل السيل دماره عمار (للكرم والدمار)

* مثل الغزال (يدل على الجمال والرشاقه)

__________________

بربش له يالهلهولي
يالهلهولي بربش له